බටර් කේක් සාදා ගන්නා ආකාරය

 අවශ්‍ය දේවල් 

🔹250g බටර්

🔹250g සීනි(පවුඩර් ලෙස ග්රයින්ඩර් කරගන්න)

🔹250g පාන් පිටි (baking powder ⁣තේ හැදි එක හමාරක් දමා තුන්වරක් හලා ගන්න)

🔹බිත්තර 4

🔹වැනිලා තේ හැදි 2,

🔹කිරි මේස හැදි 2(උකුවට හදා ගන්න

🔹ලුණු තේ හැදි කාලක්

🔹දෙහි බිංදු දෙක තුනක්

🔸බටර් ශීතකරනයෙන් එලියට ගෙන පැයක් පමන තබා කුල් එක තියෙද්දීම බීට් කරන්න.

🔸විනාඩි 5 ක් පමන බීට් කරන්න.

🔸කුඩු කරගත් සීනි ටික ටික දමමින් බීට් කරන්න.

🔸ඉන්පසු බිත්තරය බැගින් එක්කරමින් බීට් කරන්න.

🔸එ අතරම වැනිලා සහ කිරි එකතුකර ටිකක් බීට් කරන්න.

🔸මේ සියල්ල බීට් කරන කාලය විනාඩි 20 ක් විය යුතුයි.

🔸ක්‍රීම් ගතියට ආ විට හලාගත් පිටි ටිකටික එකතුකරමින් ලී හැන්දකින් එකම අතකට මිශ්‍ර කරන්න.

🔸තැටියට බටර් ස්වල්පයක් ගා මිශ්‍රණය දමා තුනී කරන්න

🔸තැටියෙන් 3/4 ක් පිරෙන තෙක් පමනක් දමන්න.

🔸නැතිනම් බේක් වනවිට තැටිය ඉඩ මදි වේ.

සෙන්ටිග්‍රඩ් 180 ට විනාඩි 5ක් රත්කරගත් අවන් එකක කේක් එක බේක් කරන්න.

🔸ටික වේලාවකින් උෂ්ණත්වය 160-170 පමන අඩු කරගෙන පාලනය කරගන්න.

🔸විනාඩි 35කට පමන පසු අවන් එක ඇර ටූත් පික් එකක් ඇන බලන්න.

🔸එය වියලිව ඇත්නම් හොදින් බේක් වී ඇත

🔸වි.40-50 පමන බේක් කරගන්න.

🔸බේක් වන විට සුවද දැනේ.

🔸එක එක අවන් වල ක්‍රියාකාරිත්වය වෙනස් නිසා අත්දැකීමෙන්ම මෙය හුරැ වේ.